न्यू इंग्लिश स्कूल, टिळक रोड येथे नागपंचमीचे औचित्य साधून विज्ञान मंडळ आणि पर्यावरण मंडळ यांच्या संयुक्त विद्यमाने 'सन २०२६ च्या शालेय विज्ञान मंडळाचा उद्घाटन समारंभ' अत्यंत उत्साहात पार पडला !

​या संयुक्त उपक्रमांतर्गत 'साप व आपले पर्यावरण' या विषयावर विशेष प्रबोधनात्मक व्याख्यानाचे आयोजन करण्यात आले होते.

कार्यक्रम आणि व्याख्यानाची ठळक वैशिष्ट्ये:

​प्रमुख व्याख्याते: शाळेचे माजी विद्यार्थी, प्रसिद्ध सर्पमित्र व व्याख्याते मा. श्री. संकेत सुमंत यांनी उपस्थितांना मार्गदर्शन केले. त्यांनी सापांबद्दल असणारे गैरसमज दूर करून, पर्यावरणातील सापांचे महत्त्व आणि त्यांचे जतन कसे करावे, याविषयी अत्यंत रंजक व माहितीपूर्ण व्याख्यान दिले.

सहाय्यक: श्री. अक्षय मराठे यांनी प्रात्यक्षिक व आयोजनात मोलाचे सहकार्य केले.

​वन विभागाची विशेष उपस्थिती:

या कार्यक्रमास फॉरेस्ट डिपार्टमेंट (वन विभाग) कडून विशेष उपस्थिती लाभली. यामध्ये वन विभागाच्या अधिकारी मगर मॅडम व त्यांच्या सहकारी गायकवाड मॅडम प्रमुख पाहुण्या म्हणून उपस्थित होत्या.

​विद्यार्थ्यांचा उत्स्फूर्त सहभाग:

इयत्ता ५ वी ते १० वी मधील निवडक ६५ विद्यार्थी व विद्यार्थिनींनी या कार्यक्रमाला उपस्थित राहून विविध प्रश्नांद्वारे आपली उत्सुकता दर्शवली.

​नागपंचमीचे औचित्य साधून आयोजित केलेल्या या संयुक्त उपक्रमामुळे विद्यार्थ्यांमध्ये विज्ञानाची आवड निर्माण होण्यासोबतच निसर्ग व पर्यावरणाप्रती संवेदनशीलता वाढीस लागण्यास नक्कीच मदत होईल. विद्यार्थ्यांसाठी यानिमित्ताने 'मी साप बोलतोय.........' या आत्मवृत्तपर निबंध स्पर्धेचे ही आयोजन करण्यात आले. सहभागी सर्व विद्यार्थी, मार्गदर्शक व उपस्थितांचे मनःपूर्वक अभिनंदन!